Thursday, October 27, 2011

പ്രിയനോട്

എന്റെ തോള്‍ മാറാപ്പില്‍ നിന്ന്
ഇനി നിന്റെ സ്വപ്‌നങ്ങള്‍
മുഴുവന്‍ എടുത്തുകൊള്‍ക
എന്നില്‍  നിന്ന് നിന്നെയും.
അകലത്തിലേക്ക്
നടന്നുകൊള്‍ക...
കണ്ണുനീര്‍ വീണു
സാന്ദ്രമായ ഹൃദയം
നിലത്തെറിഞ്ഞു
നിന്നെയും നോക്കി ഞാന്‍
ഇവിടെ തന്നെ നില്‍പ്പുണ്ടാവും.
ഇനിവരും,
വെയിലും മഴയും ഏറ്റു
പഴുത്തും തണുത്തും
വെറും നിലത്തു പിടയട്ടെ
എന്റെ പ്രാണന്‍....
ഇതു നിന്നെ പ്രണയിച്ച
എനിക്ക് എന്റെ ശാപം!
നോവാതെ നീയത്
നോക്കി നില്‍ക്കണം
എന്ന് നിനക്കും ശാപം!.

4 comments:

  1. നിരാശയാണോ ഇതിനെല്ലാം കാരണം ?

    ReplyDelete
  2. dhukhasaagaram? shaapam ellaavarkkum undo?

    ReplyDelete
  3. ഇതു നിന്നെ പ്രണയിച്ച
    എനിക്ക് എന്റെ ശാപം!
    നോവാതെ നീയത്
    നോക്കി നില്‍ക്കണം
    എന്ന് നിനക്കും ശാപം!.

    വരികള്‍ രസായിരിക്കുന്നു.

    ReplyDelete