വിറകു കൊള്ളിയും അടുപ്പുകല്ലും

വിറകു കൊള്ളിക്കു പ്രണയം
അടുപ്പുകല്ലിനോട്..!
പ്രണയമോര്‍ത്തും ചിരിച്ചും
ഊഴവും കാത്ത്
വിറകുപുര കോണില്‍.
ഒടുവിലാ  സുദിനവും.
പ്രിയനോട് ചേര്‍ന്ന് 
വെന്ത് വെണ്ണീറാവും  മുന്‍പേ
പ്രണയം പറഞ്ഞും,കരഞ്ഞും
കണ്ണീരോഴുക്കിയും, നനഞ്ഞും
പുകഞ്ഞ്‌....
കൊള്ളി പുറത്ത്.
മുഖം മിനുക്കി തുടച്ചവള്‍
ചിരിച്ചു നില്‍ക്കെ,
അടുപ്പുകല്ലടക്കം പറഞ്ഞു
മെല്ലെ....
"എനിക്ക് പ്രണയം
തീയോടു മാത്രം.... "
പാവം!!!!
'പ്രണയമേ...
കണ്ണുനീര്‍ കൊണ്ടിനി
നിന്‍ വില കുറച്ചേക്കില്ല'
എന്നുറച്ച നെഞ്ചുമായി
 അവള്‍ വീണ്ടും...
ഊഴവും കാത്ത്...
അവനരികില്‍.  
         
  ദീപ അജി ജോണ്‍ (സജിരിത)